Во стручниот штаб на Македонската одбојкарска репрезентација како помошници на новиот селектор Јошко Миленковски повикани се струмичките одбојкарски тренери Атанас Милев и Хари Наковски. Тие треба да му помагаат на Миленковски околу спроведувањето на подготвителниот период на македонската одбојкарска репрезентација која во наредните пет месеци ќе има настап во Европската златна Лига но и на Европското првенство каде Македонија е домаќин на група.
Хари Наковски и Атанас Милев се пораншени одбојкари со богато интернационално искуство а последниве години се и тренери под чија палка екипите на Наковски волеј и Струмица Никоб се во врвот на македонската клупска одбојка. Тие треба да дадат свој придонес за поквалитетни подготовки на македонската селекција која ги започна пдоготовките во Маврово а каде се повикани дури 10 одбојкари од Струмица кои играат во актуелниот македонски шампион или настапуваат во странство
Во подготвителниот период со македонската селекција повикан е и физиотерапевтот на ОК Струмица Никоб – Александар Црвенковски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
