Одбојкарките на Наковски Волеј од Струмица славеа убедливо против актуелниот шампион Работнички и тоа во Скопје со што отворено ја најави својата кандидатура за освојување на титулите оваа сезона. Освен овие два тима во игра е и Јанта Волеј КВ.
Струмичанки со мотивирана и дисциплинирана игра славеа максимална победа на гостинскиот терен. Одиграа одлично во поле и на мрежа со што го нанесоа вториот пораз на Работнички Скопје. Избраничките на Александар Митев беа подобри со 3:0 во сетови и тоа со 25:20, 25:18 и 25:18
Тимот на Наковски Волеј е меѓу четирите екипи кои се пласираа во Купот на Македонија во женска конкуренција. Заедно со Јанта, Фит фан и Работнички ќе се бораат за КУП титулата. Допрва ќе се знаат полуфиналените двојки.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
