Денеска во просториите на ОФМ се одржа ждрепка за полуфиналните мечеви од Одбојкарскиот КУП кој ќе се одржи од 23 до 25 март во спортската сала СРЦ 25 ти Мај во Радовиш.
Актуелниот шампион и освојувач на КУПОТ во машка конкуренција од лани, тимот на Струмица Никоб за противник во полуфиналето го доби Универзитет Тетово додека во вториот полуфинален меч силите ќе ги одмерат Борец од Велес и Шкендија од Тетово. Полуфиналните мечеви се закажани во четврток на 23 март а победниците за КУП титула ќе се сретнат во сабота, каде со оглед на квалитетот сигурен патник е струмичкиот состав.
Тимот на Наковски волеј во полуфиналето ќе се сретне со тимот на Вардар Жени од Скопје противник по мерка за да се дојде до големото финале со што се подгрева надежта за кревање на КУП . Во вториот полуфинален меч ќе се сретнаат ланските финалисти Работнички и Јанта против кои струмичанки деновиве славеа. Полуфиналните натпревари во женска конкуренција се играат на 24 март петок во Радовиш а победниците следниот ден ќе се соочат за КУП титула.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
