Започна втората фаза од женскиот одбојкарски шампионат во која четири екипи ќе разигруваат за подобра стартна позиција во плеј офф пресметката. Во првото коло од ова втора фаза ново градско одбојкарско дерби во кое Наковски Волеј славеше победа од 3:1 во сетови против Струмица Жени. Ова е втора победа на избраничките на Хари Наковски и Александар Митов над градскиот ривал ова сезона, откако есента славеа убедливо со 3:0 но пред една седмица загубија на теренот на Струмица Жени
Домакинките одлично го отворија мечот. Со 25:16 го добија првиот сет. Наковски беше сигурен и во вториот кој заврши на нивното конто со 25:19. По водството од 2:0 во сетови следуваше опуштање кај домашниот состав а Струмица жени успеа да намалаи на 2:1 во третиот сет откако го добија со 25:19. Четвртиот сет беше најинтересниот но сепак во своја полза го привршија домакинките со 25:21 за конечни 3:1
ОК Наковски Волеј засега е сигурен на втората позиција на табелата а тимот на Струмица Жени е трет. Во втората фаза освен двата струмички клуба се и Работнички од Скопје кој има максимален учинок во првенството и Јанта Волеј кој е четврти на табелата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
