Наковски волеј го трасира патот кон титула – по шампионот Работнички, во Скопје го надигра и вицешампионот Јанта волеј

Одбокарките на Наковски волеј ја забележаа и четвртата победа во првенството. На гостински терен славеа против Јанта волеј со 3:1 во сетови и е единствената екипа со макисмален учинок во досегашниот тек на првенството зацврстувајки се на првата позиција.

Избраничките на Александар Митев и Хари Наковски по победата над шампионот Работнички во четвртото коло  го надиграа и вицешампионот Јанта со што ја покажаа својата доминантност и амбициите за освојување на титула.  На ланскиот ,,ривал“ му го отстапија само третиот сет останатото беше во корист на струмичанки кои покажаа борбеност но и решителност во своите цели

,,Продолжува победничката низа оваа одбојкарска сезона.Нашите девојки уште еднаш покажаа дека поседуваат квалитет за високи дострели оваа одбојкарска сезона. Тимот на Наковски волеј продолжува да го трасира патот кон титулата,, објавија од Наковски по победата над Јанта со 3:1 (25:20, 20:25, 25:20, 25:16).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.