Одбојкарките на „Наковски волеј“ утре во салата при СОУ ,,Димитар Влахов“ го пречекуваат лидерот во Првата женска одбојкарска лига на Македонија тимот на „Работнички“ од Скопје кој е и актуелен одбојкарски шампион. Значаен натпревар за струмичанки бидејки со победа над лидерот, ја отвораат вратата да бидат втори во ова мини лига и од ова позиција да ја започнат Плеј офф пресметката користејки ја предноста од домашен терен.
Станува збор за трето коло од новата мини лига каде разигруваат четирите најдобри тима Рaботнички, Јанта, Наковски и Фит фан. Струмичанки одлично ја почнаа лигата. Во првите две кола славеа над Јанта и Фит Фан. Предизвик е актуелниот шампион во чии редови има доста квалитетни одбојкарки но со поддршка од трибините и максимална борба на терен, избраничките на Александар Митев и Хари Наковски може да се носат со Работнички.
,,Многу важен натпревар и ќе дадеме се од нас да не ги разочариме нашата публика. Доколку одиграме сконцентрирано и борбено, без многу технички грешки може да го добиеме мечот кој ни е многу важен за зајакнување на самодовербата за останатите три меча од ова мини лига но и за завршницата на Купот“, ни изјави Хари Наковски.
Инаку освен утрешниот меч, важен за струмичанки е и мечот веќе во сабота кога ќе го угостат тимот на Јанта од Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
