Членовите од музичката школа на м-р Васко Пиличев од Струмица, идниот месец заедно со вокалните солисти Славица Теодора и Ана ќе реализираат концерт со кој ќе ја шират љубовта кон музиката, саканите, родителите, пријателите. Концертот е закажан на 14 февруари во Центарот за култура Антон Панов во Струмица каде се очекува да настапат над 60 тина гитаристи .
Менторот на школата Васко Пиличев во изјава за Дрнка МК кажа дека на концертот ќе има музика за сечиј вкус со што присутните ќе имаат едно одлично музичко патување во кое ќе уживаат, ќе пеат и ќе ја слават љубовта. Станува збор за концерт насловен како Љубов од гитари.
„Одлучивме да правиме концерт затоа што пред се ја сакаме музиката, сакаме да настапуваме и сите сме премногу возбудени и со нетрпение го очекуваме концертот на 14ти февруари за кој се надевам ќе ги задоволи очекувањата на публиката. На концертот ќе има преку 60 учесници пред се се разбира мои ученици, а тука е и бендот составен од професионалци кои се добро познати на струмичката јавност како и трите вокални солистки Славица, Теодора и Ана. За репертоарот нема да откривам, само ќе кажам дека има музика за сечиј вкус и сигурен сум дека сите ќе уживаме во музиката. Пораката што ќе ја испратиме е многу едноставна: да шириме љубов во секаква форма: љубов кон музиката, гитарата, саканите, родителите, пријателите“, изјави Васко Пиличев
Гитаристите од школата на Пиличев досега имаат реализрано повеќе концерти претежно во рамките на Струмица опен фест при што се докажаа како вистински професионалци свирајки нумери со кои на публиката им пренесе вистински емоциии и позитивна енергија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
