Изминатиот викенд во организација на ФА ,,Бучим” од Радовиш а со подршка на Општина Радовиш се одржа 22 то издание на меѓународниот детски фолклорен фестивал ,,Оро весело”. На фестивалот учество зедоа вкупно 16 ансамбли и културни ументички друштва со над 500 дечиња кои со гордост ги презентираа македонските традиционални ора. Како што не информираше Драги Ѓеоргиев од ФА Бучим годинава Фестивалот почнал во саботата на плоштадот Св. Спасо Радовишки а завршил во неделата во општинскиот центар Конче
,, Презадоволен сум од тоа како помина фестивалот. И покрај фактот што Министерството за култура не го подржа, благодарение на општините Радовиш и Конче но и рудникот Боров дол овој фестивал успеавме да го реализираме и да ја продолжиме традицијата. Вкупно 16 играорни друштва од земјава и Бугарија го презентираа она што значи фолклор песна, традиционална носија,, ни изјави Ѓеоргиев
Градоначалникот на Радовиш Ацо Ристов во саботата изврши прием на раководствата и претставниците кои зедоа учество на Фестивалот. Беа поздравени гостите од република Бугарија како и учесниците од : Скопје, Гевгелија, Неготино, Оризари, Кочани и Струмица а веднаш потоа се одржа и дефилето како и програмскиот дел на плоштадот „Св.Спасо Радовишки“
На фестивалот од Југоистокот учествуваа ,,Фолклорна низа” од Струмица, КУД ,,Сушевски бисер” од Сушево, КУД Јане Сандански од Ново Село, КУД Младост од Јосифово но и фолклорни друштва од Скопје, Битола, Новаци, Кочани, Оризари, Кратово, Крива Паланка и други
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
