Младите струмичани се соочиле со облик на корупција – најчесто во образованието. Тоа го покажа истражувањето што го спроведеАналитика тинк тенк во партнерство со Организација на жени од Струмица и Иницијатива за граѓанска интеграција (ИГИ) – Гостивар во рамки на проектот „Зајакнување на младите во Северна Македонија: клучна алка во градење општество без корупција“.
Истражувањето освен во Струмица се правело и во Скопје и Гостивар. Проектот опфатил теренско испитување на околу 500 млади од 16 до 29 години (од средни училишта и од факултети) од три плански региони – Скопскиот, Полошкиот и Југоисточниот регион. Од анкетираните млади, 51 отсто би пријавиле корупција ако постојат безбедни и доверливи механизми, што значи дека тие сакаат промени и бараат алатки за да дејствуваат
Според наодите, младите јасно ја идентификуваат корупцијата како системски проблем: најмалку доверба имаат во судството, политичките партии и администрацијата. Само 8 проценти веруваат дека институциите навистина се борат против корупцијата, 69,6 отсто признале дека корупцијата ги демотивира и ја урива вербата во трудот и знаењето, а 70 проценти сметаат дека темата за корупција речиси и не постои во наставата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
