На десетина печки, уште од раните утрински часови се приготвуваше ајвар, лутеница, чушкарник на годинашнава Ајверијада во Босилово. Околу 20 тина домаќинки и мажи задолжени за огнот испекоа околу 700 килограми црвени пиперки, кој потоа го сомелеа и ги правеа традиционални деликатеси познати за овој струмички регион.
Ајверот со се лутеницата, стасаа околу пладне. Освен пиперки се користеше и модар патлиџан но и домати произведени од струмичкото поднебје. Токму во квалитетот на ,,чушките“ е магијата за квалитетна зимница но и рецептите кои ги чуваме од нашите бави, кажаа учесничките на годинашнава Ајверијада.
,, Домашно си е домашно. Правиме ајвар и за продажба. Ние сме жени кои работиме на нива, произведуваме пиперки и модар патлиџан а во есенскиот период правиме ајвар не само за дома туку и за продажба, по нарачки. На тој начин ни даваат поддршка како рурални жени кои се трудиме да отпочнеме свои бизниси“ велеа домаќинките од Турново, Радово, Босилово, Робово кои правеа ајвер и лутеница по домашни рецепти.
Инаку направениот ајвар од годинашнава манифестација ќе оди на граѓани од социјален ризик и хуманитарнни цели а дел ќе биде репрезентативен деликатес за гостите од странство кои се пратнери и донатори на Општина Босилово.
На годинашнава Aјверијада посетителите можеа да вкусат и други локални производи а атракција беа и членовите на групата ,,Бекстејџ“. Тие на повеќе печки пржеа пржеа чварки месо и колбаси а паралелно правеа и традиционално гравче.
„ Ајвер без чварки не оде, затоа сме овде на гостите да им пондуме двоен вкусен залак“ кажа еден од членовите на ова група кои ја надополнија годинашнава манфиестација што ја организира Општина Босилово со поддршка на МЗШВ (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
