Еразумс + програмата создава реални можности за учење, соработка и развој. Оваа програма нуди можност за стекнување нови вештини, искуства. Вака констатираа присутните на дебата што во Струмица ја организираше Националната Агенција за европски образовни програми и мобилност насловена како ,, Импактот на Ерзмус +“ што се одржа во Млацинскиот центар.
Од страна на корисници на грантови од оваа програма како што е СОУ „Димитар Влахов“, ДСУ-РЦСОО „Никола Карев“ и здружението „Новус“, беа споделени нивните искуства од реализираните проекти . Беше кажано дека низ овие проект над 300 ученици и околу 70 наставници учествувале во мобилности, стекнувајќи нови вештини и придонесувајќи за подобри образовни практики и посилна меѓународна соработка.
,, Ги слушнавме и приказните на учениците кои споделија како Еразмус+ искуството им ги променило животите на подобро, помагајќи им да стекнат нови вештини, искуства и поголема самодоверба. Токму ваквите примери најдобро го покажуваат реалниот импакт на програмата Еразмус+, која продолжува да отвора нови можности за учење, меѓународна соработка и развој на младите и образовните институции“ кажа Ана Михајлов директор на Националната агенција за европски образвони програми
Таа апелираше до учениците и младите да аплицираат за Еразмус + програмата бидејки на тој начин тие ќе ги прошират своите видици и во сопствените средини ќе може да применуваат дел од европските образовни практики. Инаку овој караван со промоција на позитивните искуства од Еразмус + програмта же продолжи и низ другите градови во земјава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
