Над 200 студенти што ќе се запишат во првиот уписен рок како редовни студенти во државна квота на Универзитетот Гоце Делчев ќе бидат ослободени од плаќање партиципација во првата година од студиите. Станува збор за студенти што ќе се запишат на студиската програма Македонски јазик и книжевност на Филолошкиот факултет но и најдобро рангираните како на овој така и на остантите факултети на Универзитетот. Партиципацијата за редовни студенти за една година на дел од факултетите изнесува 200 а за други по 100 евра
Од партиципација ќе бидат ослободени и членови на спротските клубови кои се дел од спротските екипи кои го носат името на Универзитет „Гоце Делчев“ – Штип а партиципација нема да наплаќа на лица без родители помлади од 26 години, доколку се невработени; лица со инвалидност, согласно уредбата на Владата, воени инвалиди и лица растени во домови за напуштени деца, доколку се невработени
Уписите на Универзитетот Гоце Делчев во Штип започнуваат во четврток. Свои студиски програми има и во наставниот центар во Струмица но и во Гевгелија.
Во Струмица ќе може да се студира на правниот факултет – вкупно 80 студенти, на земјоделскиот студиска програма Градинарство – 50 студенти, на Филолошки студиски програми Англиски јазик – 50 и Италијански јазик – 35. Во Струмица настава ќе има и на студсиките програми Мехатроника и Машинско инженерство од Машинскиот факултет каде на двата смера може да се запишат 70 студенти а од годинава свои дисперзирани студии во Струмица ке има и Технолошко техничкиот факултет со две студиски програми Дизјан и технологија на текстилна облека и Прехрамбена технологија каде ќе се примат по 20 студенти
Во Гевгелија и годинава остануваат студиските програми на Факултетот за туризам и бизнис логистика каде на туризам и угостителство ќе се запишат 10 а на бизнис логистика 20 студенти во прва година
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
