Околу 1200 килограми пластичен отпад што се рециклира се собра во акцијата што ја реализираше општина Босилово меѓу жителите а за возврат им додели овошни садници. Секое домаќинство кое се вклучи во акцијата и депонираше најмалку 15 пластични шишиња добиваше овошно дрвце кое општината ги набави со средствата предвидени за репрезентативен матријал за Нова година. Градоначалникот на Босилово кажа дека биле поделени 1300 овошни садници од јаболка, цреша, слива и праски на сите оние што доставиле ПЕТ пластика на пунктовите кои биле предвидени со акцијата.
,, Вкупно 12 трактори наполнивме со пластични шишиња и друг вид пластика што се рециклира.Нашите проценки се дека собравме минимум 1200 килгорами од сите населени места. Целта ни беше да ја намалиме количината на пластичен отпад во општина но во исто време да испратиме порака дека пластиката има употребна вредност. За да ги потикнеме одлучивме да доделиме садници кои ги набавивме со оптшински пари кои беа предвидени за репрезентативен матријал за празниците но не ги потрошивме,, кажа Манчев
Собирањето пластичен отпад е дел од акцијата Еколошка пролет во Босилово која ќе траед во наредните два месеци. Во рамктие на ова акција во соработка со комуналното но и преставници од граѓански организации но и од училишта предвидено е проелтно пошумување на Огражден со околу 1000 садници црн бор. Истите ќе се садат кај манастирскиот комплекс кај Хамзали но и околу Иловачка брана
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
