Неисчистеното речно корито од шамак и трски но и надојдените води од Тркајна повторно предизвика поплави во Чифлик маалото во Муртино а под вода беа и дел од површините под пластеници во непсоредна близина на реката. Во Муртино жителите ги вклучија пумпите за да се испразнат дворните места од вода. На одредени позиции мораше да се прекопа и улицата за да се испразнат дворовите.
,, Малку недостасуваше водата да влезе и дома. Пред две децении исто така имавме поплава и моравме да спиеме кај сестра ми. Сето тоа е резултат што редовно не се чистат речните корита но и отпадот кој несовесни граѓани го фрлаат таму. Доста само си ја префрлуваат одговорност, надлежните ќе мора контуинирано да го чистат речното корито на потегот од Сачево и Муртино“, кажа Зоран Гонев во чиј двор под вода му заглавија околу 13 илјади корени пролетна зелка.
По вечерашните обилни врнежи, надојдената вода од Тркајна го проби трапот на ,,Стара река“ меѓу Сачево и Муртино. Дел од водата се излеа во површините а дел заврши во десетината дворни места од Чифлик маало. Земјоделците велат дека надлежните мора да најдат решение за овој проблем
,,Освен редовно чистење на реката од шамак и трска ќе мора да се зајакнат и подигнат траповите на речното корито. При секои обилни врнежи или надојдени води од Тркајна нашите посеви се под вода“, вели Живко Јовев.
Струмички Комуналец беше на терен и ги санираше последиците. Упатија благодарност до приватни компании кои ја ставиле на располагање механизацијата за нормализирање на состојбите на терен а до граѓаните упатија апел да не се депонира земјоделскито отпад во речните корита.
,, Од вчера сме овде на терен и мислам дека успеавме да не дозволиме поголемо излевање и последици. Упатувам благодарност до механизацијата на приватните компании кои ни помогнаа. Сега помагаме да се истече водата од дворните места овде од Чифлик маало. Да мештаните кажаа дека од 2103 не било чистено речното корито но освен неисчистеното речно корито, проблем прави и отпадот кој се фрла во речните корита,,рече Кире Синдраковски директор на ЈПКД Комунаалец Струмица
(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
