Новинарот од Струмица, дописник на МИА – Ристо Тасев ја доби Наградата за животно дело ,, Крсте Петков Мисирков“ на ЗНМ кое годинава одбележува 80 години постоење. Синоќа во Скопје ЗНМ ги додели наградите на новинари и фоторепортери за најдобри истражувачки стории и известувања од локално ниво.
Ристо Тасев во новинарството е од 1982 година. Својата кариера ја започнува во спортската редакција на Вечер а е бил и репортер на спортската програма на Радио Скопје 14 години. Беше дописник на дневните весници Дневник и Утрински весник а работел и како допсиник на телевизиите Алсат и Телма. Од 2018 година тој е вработен во МИА како дописник од Југоистокот.
Зад себе Тасев има објавено голем број вести, стории, приказни, репортажи речиси во сите форми на медиумско известување. Од 2002 Ристо Тасев е регионален координатор на ЗНМ за Струмица. Во моментов тој е член во Управниот одбор на ЗНМ.
Инаку годишните награди за истражувачко новинарство „Јашар Еребара“ ги добија „Фокус“ односно новинарката Ирена Мулачка, Истражувачката репортерска лабораторија (ИРЛ) и емисијата КОД за сториите поврзани со катастрофалнито пожар во Кочани. Здружението на новинари додели и признанија на Владо Апостолов од БИРН, а наградата за известување на локално ниво ја доби новинарката Анета Блажевска а наградата „Крсте Петков Мисирков“ за најдобра фотографија отиде кај фоторепортерот Роберт Атанасовски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
