,,Првиот ден од објавувањето на Јавниот повик за субвенционирање за купување нов велосипед од страна на општина Струмица, граѓаните покажаа голем интерес. До 16 часот, 52 граѓани поднеле апликации за субвенции’’, вака објави градоначалникот на Струмица Коста Јаневски на својот ФБ, откако денеска соопштија дека ќе доделуваат по максимум 4 илјади денари за набавка на нов велоиспед.
„Повикот се однесува на субвенционирање на граѓаните кои во наредниот период ќе купат нов велосипед, со тоа што општина Струмица ќе рефундира 50% од вредноста која нашите сограѓани ќе ја потрошат за купување. Изборот е нивен и нема повластени трговски оператори, но субвенцинирањето е до максимални 4.000 денари, и до исцрпување на средствата кои се определени за таа намена“ – кажа градоначалникот Јаневски кој подвлече дека повикот ќе се реализира по принципот „прв дојден, прв услужен”
За таа намена, како што информираше градоначалникот Јаневски во општинскиот буџет се обезбедени 800 илјади денари при што општината ќе покрие 50% од цената на купениот велосипед но не повеќе од 4.000 денари. Ова значи дека општинските власти ќе субвенционираат купување минимум 200 велосипеди на струмичани или по еден во семејство.
Откако се објави веста денеска по трговската мрежа во Струмица имаше огромен интерес за набавка на нови велоиспеди. Во ,,Риверсофт’’ во Струмица можеа да се видат разновидни модели на велосипеди за секакви намени и возрасти. Струмичани ги разгледуваа моделите и купуваа за да ја искористат субвенцијата. Субвенција според јавниот повик не може да добијат вработените со потесното семејство во општината, Комуналец, Паркиралишта и Струмица гас немаат право на учество на овој јавен повик
На денешната прес конференција, градоначалникот Јаневски информираше дека се планира и изградба на два вело-паркови во градот Струмица а наскоро ќе биде извршено бележење и изградба на инфраструктура за велосипедистите, за која е подготвена техничка документација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
