Групата ,,Маестро“ од Скопје на социјалните мрежи но и на Youtube каналот го презентираше петото издание на музичкиот проект насловен како ,,Звукот на Македонија“ посветена на Струмица. Во овој проект, членовите на популарниот скопски бенд изведуваат вкупно девет локални песни и оро кои се снимени на повеќе локации во Струмица при што ги презентираат убавините на градот. Ги откриваат убавините како што се црквите и манстирите во Струмица, Водоча и Вељуса, старата турска пошта, но и парковите, угостителските објекти….
Под кулите на Струмица, Граде мој, Лажи лажи Вере, Во Струмица на улица, Мерак сокриен, Твојот абер, За тебе брате, Песна за Струмица, Перов са-са се музичките компилации на кои ,,Маестро,, им даваат посебен ,,шарм“ преточен во традиционалните, духовните и современите вредности на градот Струмица.
,,По Охрид, Велес, Битола и Струга, на ред дојде и еден од најдрагите градови на група Маестро, градот каде што после Скопје, најчесто настапува, тоа е СТРУМИЦА. Изборот на песни го правевме така што одбравме песни во кои е опеан градот, а исто така и песни кои се најслушани меѓу струмичани. За аранжманите на сите нумери е задолжен Илија Филиповски (виолинистот на Група Маестро). Аудио снимката е снимена и обработена во студио XL Momiroski – Скопје, додека пак видеото го изработи Vesta Production. Снимено на повеќе локации низ Струмица: градскиот плоштад, градскиот парк, ресторан Бонита, Царевите кули, малиот парк пред спомениот на Гоце Арнаудов, стара турска пошта, и секако низ прекрасните струмички улици. Исто така снимени се кадри и во прекрасните манстири во Водоча и Вељуса,, соопштија за Дрнка.МК од ,,Маестро“.
Членовите на оваа група се заблагодарија на сестринствата на манастирите ,,Покров на Пресвета Богородица,, во Водоча и ,,Пресвета Богородица Елеуса,, во Вељуса бидејки овој проект е реализиран со благослов на Викарниот Епископ г. Јаков Стобиски.
Во проектот учествуваат Кирил Митоски – вокал, Илија Филиповски – виолина и гитара, Војче Петрушев – хармоника и бас гитара, Александар Тренкоски – кларинет, Љупче Ѓоргиев – клавијатури и вокал и Трајче Ристов – ударни и перкусии. (В.Трајков/ фотот Карос)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
