Здружението Мултус од Гевгелија во наредните месеци ќе реализира кампања со која се очекува да се подигне дигиталната писменост кај младите како и нивната безбедност на интернет и социјалнните мрежи. Станува збор за TikTok кампања каде познатиот Александар Динев ќе ги ,,води“ тинејџерите низ предизвиците и можните ризици од секојдневната употреба на интернетот и социјалните медиуми.
Во првото видео што го објави младиот Динев објаснува дали треба да се прифатат Cookies -„колачињата“ кои се појавуваат на веб прелистувачите и што всушност значат тие. Постои ли опасност кога ги прифаќаме и дали издаваме одредени наши информации во виртуелниот свет.
„Исто и овие колачиња пренесуваат порака. Но, не за нашата судбина, туку за нашето виртуелно однесување на таа веб страна. Затоа, треба да внимаваме што ќе гризнеме. Колачињата се делови од податоци кои ги оставаш зад себе на твојот прелистувач кога отвораш веб страна,, вели во ВИДЕОТО Динев.
Видеaта се дел од проект „Нешта кои можеби не ги знаеме за нашето виртуелно однесување“ со кој се планираат и други видеа, дигитална брошура како и голем настан на кој ќе присуствуваат повеќе инфлуенсеи како говорници обработувајќи теми за справување со сајбер-малтретирањето, трошење на време, детоксикација на податоци. Настанот ќе вклучи 150 млади луѓе од Југоистокот кои на крајот од настанот ќе потпишат ветување за заштита на сопствената безбедност и благосостојбата на другите на интернет. Овој проект што го имплементира Мултус од Гевгелија е за поголема свест за чекорите во виртуелното однесување и дигиталната писменост на ранливите и изложени млади луѓе од мали, изолирани области.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
