Изминатиот период во општините Гевгелија, Богданци, Валандово и Дојран и неколку нивни населени места, Центар за едукација, култура и активизам Мултус од Гевгелија, одржа низа презентации и обуки на локалното население на тема „медиумска писменост“. Обуките се активност како дел од проектот „Медиумска диверзија“, кој Мултус го спроведува со Регионален центар за одржлив развој од Гевгелија.
„Самиот проект Медиумска диверзија е осмислен со мулти – методен пристап. Во активностите, покрај комичните видеа кои ги работиме со Диверзија, имаше предвидено, а сега и реализирано обуки, односно презентации со разработени детали на темата. Оваа тема, медиумска писменост, кај нас се слуша често како поим, но, многу ретко се разглобува нејзината суштина. На прва, на учесниците им е здодевно кога ќе слушнат дека некој за нешто ќе ги „описменува“, но, откако се навлегува подлабоко во темата, сфаќаат колку лесни и очигледни работи им се пред очи и им влијаат на перцепциите. Регионален центар за одржлив развој од Гевгелија, кој ни е партнер во овој проект, со го презеде овој дел од проектот, организација и логистика за обуките и успеавме да оствариме 8 обуки со локално население од градските и руралните средини.“ изјавија од Мултус.
Медиумската писменост одамна има развиена и своја многу важна гранка, а тоа е дигиталната писменост. Доминантен дел од информациите луѓето ги примаат преку дигитални уреди и медиуми, особено помладите генерации. Затоа, обуките се организираа со „шарена“ демографија, која опфаќаше повеќе возрасти, а темите беа адаптирани со различни примери и содржини, согласно возраста на учесниците.
„Се потрудивме да ги покриеме сите населени места предвидени во проектот. Со оглед на периодот во кој се одржуваа и условите во пандемија, сметаме дека завршивме добра работа. Од некои месни заедници и средношколски организации имаме барање за повторување на материјата и пред други учесници. Овие презентации и разговори на темата ќе останат да се реализираат и по официјалното завршување на овој проект.“ соопштуваат од Регионален центар за одржлив развој Гевгелија.
Проектот „Медиумскадиверзија“ на подгрантист во Југоисточниот регион на проектот „Отпор кон дезинформации и говор на омраза: Акција на граѓанскотоопштество за реафирмирање на слободата на медиумите и спречување дезинформации и пропаганда за ширењеомраза во земјите од Западен Балкан и во Турција“, финансиран од Европската Унија.
ЦЕКА Мултус од Гевгелија, заедно со нивниот партнер ко – апликант Регионален центар за одржлив развој од Гевгелија го спроведуваат проектот „Медиумска диверзија“, којсодржи 6 хумористичнивидеа, 1 краток филм и 8 обуки на тема медиумска писменост и отпор кон дезинформации. Проектот завршува во февруари 2022 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
