Струмичани ги финишираат маските со кои ќе излезат на големото дефиле во сабота по струмичките улици. По станови, дуќани, погони, работилници се прават последните детали за маските кои треба да го привлечат вниманието не само на жирито, туку и на посетителите. Меѓу учесници ќе бидат и членовите на групата ,,Мулен Руж“ – страсни вљубеници ко секоја година учестуваат на карневалот. Тие ја спремаат маската ,,Мрежа на вистината“ и ќе бидат пајаци кои. Ќе плетат мрежи и носта специфична порака на претпазливост бидејки по ланската ,,Лицемерие“ сега апелираат да се внимава оти во пајаковите мрежи можеш било кој да се ,,заплете“.
,, Мулен Руж и ова годинаа ќе биде во категоријата од 20 до 30 членови. Во овој состав функционираме пет години и се обидуваме ова наша традиција да ја пренесеме на помладите и да се шири. Маската ја работеме цел месец а сега ја финишираме. РАботиме секој ден по 4 часа. Се обидуваме да донесеме нешто ново . ќе испратиме порака за пајажината што ја плетеме независно дали таа е за нас или за некој друг. Ова не е сила што не тера туку позитивната енергија што се случува на големото карневалско дефиле. Сакаме да избегаме од реалноста да бидеме нешто друго“, вели Анита Станковска од Мулен Руж
Таа со уште неколку жени ги правеа последните детали на маската додека мажите беа во погон каде го спремаа возилото кое ќе биде долго околу шест метри. Таму ќе биде главниот пајак кој се изработува од метали и текстура.
,, Тоа е груб матријал но сакаме пајакот лесно да се движи и затоа сме претпазливи. Ги знаеме неговите перформанси дека е брз и стратешки работи. Таков треба да биде и нашиот пајак на возилото,, вели Митко Тошев
Традицијата на маскирање ја продолжуваат и членовите на групата ,,Струма“ кои секоја година се наградувани и на пиедесталот за најдобра маска. Собрани во барака, членовите на оваа група ги правеа последните детали на нивната маска насловена ,,Фестивал на фенерите“. Тие се група од 50 членови и на големото карневалско дефиле во сабота во Струмица треба да ја пренесат пораката на љубов и идеален брак како со костимите така и со настапот на плоштадот.
,, Маската ја работиме два месеца со оглед дека е и масовна и голема како по број на членови така и со возило. Ја изработуваме рачно со сите елементи. Се собираме речиси секоја вечер овде а за возилото се одговорни мажите. Да кажам дека возилото ќе биде со изненадувачки димензии. Инаку нашата маска носи порака на љубов. Мотивот е од гинексата митологија каде доминиа светлината. Под светлината на фенерите тие посакуваат идеален љубовен живот и брак“,вели Добрила Достинова од здружението „Струма“ кои секогаш се впечатливи со своите маски
Главното карневалско дефиле ќе биде во сабота. Ќе учествуваат вкупно 35 маски од земјава и странство од кои 11 ќе бидат од Хрватска, Србија, Црна Гора и Бугарија. Дури 17 групни маски ќе бидат од училишта како од Струмица така и од Куманово, Пробиштип и Кратово. За жал од година во година се помалку групни маски има од граѓани организирани во здруженија. Такви годинава ќе ги има само 6 и само една поединечна маска.
Од синоќа во Струмица почнаа седумдневните карневалски свечености. Симболично локалните власти го предадоа клучот од градот на карневалистите кои цела недела ќе бидат ,,главни“ во организирањето на сите настани поврзани со оваа манифестација. ( В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
