3 милиони евра , пари од државниот буџет ќе се насочат кон спортските субјекти на кои им е издаден ваучер согласно Законот за спорт. Станува збор за 666 спортски субјекти, 60 федерации и 173 спортисти кои досега добиле спортски ваучер. Вака најави првиот човек на АМС Наумче Мојсковски кој подвлече дека парите се дел од владините програми за справување со последиците од КОВИД-19 кризата, бидјеки вече година време спортските клубови се соочеуваат со тешкотии во функционнирањето .
,,Со оваа владина одлука, усвоена на 65-тата седница, на наменските сметки на спортските субјекти на кои им се издадени ваучери за 2021 година, ќе им бидат уплатени најмногу до 30% од вредноста на издадениот ваучер како еднократна финансиска помош, утврдена во официјалната листа на спортски субјекти кои се објавени на веб страната на АМС. Процедурата е едноставна и брза. УЈП до Агенцијата, ќе достави листа на спортски субјекти кои се корисници на ваучер и кои имаат поднесено и одобрено барање за даночно ослободување за донирање финансиски средства на спортски субјекти. Веднаш потоа, АМС ќе изврши евалуација на листата и до УЈП ќе достави листа на спортски субјекти и износ за користење на остатокот од ваучерот кој им издаден за 2021 година, по што конечната листа ќе биде доставена до Генералниот секретаријат на Владата и ќе следува исплатата,, рече Мојсовски
Како што подвлече првиот човек на Агенцијата за млади и спорт Наумче Мојсовски на овој начин се создаваат услови за непречено спроведување на активностите на спортските федерации, клубови и индивидуални спортисти.
Агенцијата во февруари годинава ја објави листата кои се клубови добија ваучери. Листата можете да ја видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
