По повод Апостолската посета на Македонија, папата Фрањо упати видео порака во која како што вели сака да ја искаже радоста и пријателството што ги чувствува кон народот и кон црквата што постои во земјава.
,,Откако вашата земја стана независна, Светиот Престол сакаше со вас да воспостави пријателски и дипломатски односи. Денес, повеќе од кога било, има потреба и во Европа, и во целиот свет, да се развива култура на излегување во пресрет, култура на братство, и јас ќе дојдам меѓу вас, да го посеам ова семе. Сигурен сум дека вашата земја е добра, дека ќе го прими ова семе и ќе добие плодови,, вели папата Фрањо за чие доаѓање во земјава, верниците од струмичко Нова Маала поставија четири метални крста во селото
,,Всушност, посебната убавина на вашата земја, се должи на различните култури, етнии и религии што живеат во неа. Секако дека соживотот не е секогаш лесен, го знаеме тоа, но вреди да се вложи тој напор, бидејќи најубавите мозаици се тие што имаат многу бои,, вели папата Фрањо, кој посетата ја посветува и на големата хуманистка Мајка Тереза родена во Скопје
,,Мојата посета ја посветувам и на една голема светица, ќерка на вашата земја, Мајка Тереза, родена и израсната во Скопје, која преку благодатта Божја, стана храбра мисионерка на Христовата милост во светот, давајќи утеха и достоинство на најсиромашните меѓу сиромашните,, вели папата Фрањо во видео пораката упатена до македонскиот народ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
