Преку проектот за локална и регионална конкурентност ЦРЛП, општина Босилово ги санираше сите оштетени делови на патеките, колибите и набљудувачниците во Моноспитовското Блато – единственото мочуриште во земјава кои беа поставени пред десетина години за пристап на посетителите но и за научно истражување и следење на богатата флора и фауна. Со реконструкцијата на пристапната инфраструктура во мочуриштето се очекува да се овозможат услови за развој на алтернативниот туризам бидејки во блатото име ретки ендемски растенија и животни, мочуриште кое и понатаму не е доволно истражено од научен аспект.
Со проектот на ЦРЛП изработени се и неколку чунови-шајки со кои може да се плови по мочуриштето при поголем водостој каде се претпоставува има голем фонд на риби мегу кои и познатата штука. Со проектот е инсталиран и систем за греење на едукативниот центар во Монопитово каде има мал природен музеј од моноспитовското блато и стари експонати од ова село.
,, Штета е да не се слушне се она што го нуди Моноспитовското блато. Доделивме околу 5 милиони денари со кои реконструрирани се патеките, наблудувачниците, изработени се чунови но и воведовме систем за греење во едукативниот центар во Моноспитово. Нашата цел да го потикнеме алтернативниот туризам и да се заштитат тие ретки ендемски животни и растенија кои ги има во мочуриштетот’’, кажа Антонија Шишак директор на Проектот за локална и регионална конкурентност
Општина Босилово инсистира ова мочуриште да биде прогласено за национално заштитено подрачје бидејки на тој начин ќе има самоодржливост и можност за научни и биолошки истражувања. Градоначалникот Зоран Зимбаков смета дека Моноспитовското блато е природен резерват и е од национален интерес.
,, Како општина ова е потенцијал за нас за развој на алтернативниот туризам. Но ќе потенцирам дека, ние сме мала општина и немаме многу средства за одржување на мочуриштето. Со евентуално ставање како национално заштитено подрачје ќе добиваме повеќе средства од државата, кои ќе ги насочуваме за одржување на патеките, набљудувачниците а секако и организирање на одредени манифестации,, изјави градоначалникот Зимбаков.
Во едукативниот центар во Моноспитово беа презентирани сите активности поврзани со овој проект.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
