Да имаш неполн месец лекарски стаж и да вратиш во живот човек, кој веќе ги затворил очите е голема работа, пишува порталот ММС пренесувајки го подвигот на младата лекарка од Струмица д-р Елена Китанова која успеала да спаси жена која се удавила во водите на Дојранското езеро. Инцидентот се случил на 11 август кога таа дежурела во брзата помош во Дојран кога и алармирале за давеник
,,Јас бев дежурна во амбуланта, дотрча едно дете и рече- имате давеник. Веднаш се стрчавме со колегите, жената веќе беше извлечена, ја извлекол некој повозрасен човек и не даваше знаци на живот, ниту пулс, ниту срцева реакција. Прво прашав дали и е дадена прва помош и кога ми рекоа-не, веднаш почнав со реанимација. Жената беше помодрена, со помодрени уста и без никакви знаци на живот. Јас веднаш почнав реанимација со масажа на срце и вештачко дишење. Жената по некое време почна да исфрла вода од устата. Не знам колку време траеше, бидејќи само мислев дека треба да ја вратам во живот. Јас мислам дека направив 4-5 циклуси реанимација. Се освести, беше како поспана, а можно е и дополнително од сонцето да била истоштена,, раскажа за ММС младата докторка д-р Елена Китанова
Повеќе на ММС
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
