Ракометарите на Младост од Богданци со победа ја започнаа Плеј аут лигата за задржување на суперлигашкиот статус. Во рамките на првото коло на гостувањто во Струмица славеа победа против Астраион со 30:24. Тимот од Богданци составен со искусни ракометари во текот на целиот меч имаа контрола на играта и резултатот против помладиот струмички состав кој се обидуваше да фати резултатски приклучок но не им успеаваше.
Најискусниот играч во тимот, Митко Караиванов, постигна вкупно десет гола и на листата на стрелци беше пред Хончаров со шест реализации. Лупашко и Димитров имаа по четири гола. Кај Астраион, Јанковски и Наков по седум пати ја стресоа мрежата на противникот, додека Ефтимов запиша пет гола.
Во Плеј аут лигата се вкупно 8 екипи а добар дел од нив ќе го загубат суперлигашкиот статус. Освен Младост од Богданци и струмички Астраион во Плеј аут лигата е и тимот на Радовиш.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
