Млади струмичани со велосипеди ја одбележаа Европскаата недела на мобилност во сообраќајот и упатија порака да се користат еколошки транспортни средства и безбедно одвивање на сообраќајот. Тие со дефиле апелираа на одржива урбана мобилност односно граѓаните да стекнуваат здрави животни навики да придонесат за чиста животна средина но и безбеден сообраќај како и поддршка на алтернативни фори на мобилност.
,,Секоја година во третата седмица од месец септември РСБСП, во соработка со МВР и Факултетот за безбедност Скопје, реализираат кампања за одржлива урбана мобилност по повод Европската недела на мобилност во сообраќајот. Целта на оваа кампања е формирање на здрави животни навики, чиста животна средина, побезбеден сообраќај и поддршка на алтернативните форми на мобилност“ се вели во соопштението
Дефилето беше во организација на Отсекот за превенција при СВР Струмица во соработака со РСБСП и ОБСП при Општина Струмица додека волонтерните од Црвен крст со полициски службеници делеа вода и едукативен материјал.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
