Околу стотина млади струмичани добија практична работа и нови вештини преку проектот на Центарот за истражување и анализи ,,Новус“ од Струмица насловен ,,Зајакнување на младите преку нови можности 2“. Проектот заврши со панел дискусијата на тема “Младиот човек на новиот пазар на труд: од потенцијал до позиција“ на кои се дебатираше за трансформацијата на пазарот на труд што бараат работодовачите а што младите при вработување но и што е потребно .
На панелот присуствуваа Милан Савов основач на „SmartClick“, Глигор Ризов основач на ,,SMX Academy“ и спец. Ѓорги Јанев основач на поликлинката „Елимедика“. Ги презентираа своите искуства но посочија дека младите ќе мора контуинирано да инвестираат не само преку формалното туку и неформалното образование преку обуки, работилници, пракси бидејки само на тој начин ќе се прилагодат на новите текови на пазарот на труд.
Проектот кој го имплементираше ЦИА „Новус“ од Струмица траеше две години и имаше за цел вмрежување на претприемачите со младите, градење на мостови за соработка, можности за стекнување нови вештини , практична работа на малдите се со цел да бидат поконкурентни на пазарот на труд согласно новите текови на дигитално и современо општество.
,, Обезбедивме 15 платени обуки за професионално доусовршување, шест групи со млади лица успешно ги завршија обуките за животни вештини и вработливсот, 22 млади беа вклучени во програми за практична работа кај работодавачи а она што е најважно 24 млади се вработија. Паралелно со проектот беа поддржани 36 младински иницијативи и одржан саем за вработување каде се направи мост меѓу 30 компании и околу 500 млади лица,, рече Ѓорѓе Милушев коориднатор на проектот
Овој проект во струмичко го реализираше Центарот за истражување и анализи НОВУС како регионален партнер на SOS Детско село со поддршка од BMZ и SOS Children’s Village International. (В.Трајков/ фото Новус)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
