Група од 11 млади од Струмица беа дел од последниот Форум на млади лидери организиран од Здружението „Икуалити“ од Скопје кои поминаа менторски обуки со кои се очекува да иницираат позитивни општествени промени во својата заедница. Викендот во просториите на Новус Струмица, младите работеа на јавниот настап и креативно изразување за подобри комуникациски вештини со заедницата, индивидуално и групно застапување на граѓаните пред институциите во рамките на правниот поредок во земјава.
,,Во периодот од 2 месеци ќе делуваат како неформална група, која ќе има за задача преку стекнатите вештини и искуства да создадат позитивни општествени промени. Дополнително, самите тие ќе предложат и изберат еден суштествен и значаен проблем од интерес за младите, но и за сите граѓани од општината и со поддршка на менторите ќе заземат активна улога и иницираат решенија за истиот,, стои во соопштението од Здружението „Икуалити“
Инаку ова здружение досега имаше Форуми и во Аеродром, Гостивар, Битола, Куманово каде исто така вршеше обуки за да ги поттикне младите за нивно активно делување и иницирање промени. Конкретно поврзување со локалните власти и надлежните институции за одбраниот проблем, со цел постигнување промена која е иницирана и остварена благодарение на нивните заложби.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
