Здружението „ПроАгро Фармери“ од Струмица во соработка со ученици од ДСУ-РЦСОО „Никола Карев“ реализираа еколошка акција која се спроведе на повеќе локации во градот. Младите го собираа отпадот фрлен по јавни зелени површини при што иститот го селектираа со цел да се даде можност, дел од отпад биде рециклиран и му се даде нова вредност.
Еко акцијата беше во рамките на проекот „АгроРециклирај“ што здружението „ПроАгро
Фармери“ од Струмица го реализира а има за цел да се подигне јавната свест за селекција и рециклирање на отпадот како и зголемено учество на заедницата во еко-иницијативи и намалување на отпадот преку практични акции.
,,За време на акцијата беа исчистени повеќе јавни површини при што младите го селектираа истиот при што оној што може да се рециклира беше издвоен. Целта е да потикнеме одговорно однесување и целиот отпад да не се собира на едно место бидејки, дел од отпадот може да добие нова употребна вредност. Младите се тие кои со мали акции може да создадат големи промени“,, соопштија од „ПроАгро Фармери“ од Струмица кои се надеваат дека со вклучувањето на ученици се гради соработка и партнерство за заеднички еко и зелени иницијативи во иднина
Проектот „АгроРециклирај“ е дел од проектот „Граѓанско општество и млади за инклузивен и одржлив развој преку циркуларна економија во Македонија“, спроведуван од PIN, АРНО, LEAD и Ековита, а финансиран од Европската Унија. (В.Трајков фото/ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
