На иницијатива на 26 годишниот Мите Трајков и 29 годишниот Никола Јефремов од радовишко Калуѓерица, денеска група младинци од ова населено место посадија 200 дрвца во и околу ова населно место со цел да се збогати зеленилото во средината каде што живеат за да имаат почист воздух. Како што не информираше Мите Трајков од Калуѓерица садниците се обезбедени преку Шумското претпријатие од Радовиш и станува збор за чемпреси, црн бор и багреми
,, Потикнати од желбата да имаме почист воздух и повеќе зеленило во нашето населено место се одлучивме да организираме акција за садење на листопадни и зимзелени дрвца. Засадивме околу 200 садници и тоа во паркот во Калуѓерица но и на влезот во селото,, ни изјави Трајков кој апелираше до сите свои соселани да се грижат за садниците кои ќе бидат во интерес на сите
Како што ни потенцираше Трајков веќе идната недела се планира да реализираат уште една акција и тоа за пошумување на месноста Бутурус во селото каде исто така ќе се садат багреми, црн бор и чемпреси
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
