Не користете петарди оти може да имате траен инвалидитет. Ова беше пораката што волонтерите од Црвениот крст Струмица преку вежба ја упатија до граѓаните. Во вежбата освен Црвен крст беше вклучен и Отсекот за превенција при СВР Струмица. Тие на симболичен начин прикажаа дека користењето петарди може да предизвикаат тешки последици.
Во вежбата, младо лице со пукање петарда губи два прста. Врисоци од болка. Другарите беспомошни. Доаѓа полиција пота и Црвен крст чии волонтери даваат прва помош. Сето тоа со една јасна порака – за време на празниците да не се користат петарди
,,Нашата цел беше да укажеме дека петардите може да предизвикат тешки повреди, изгореници, ампутации, отштетување на слух. Предизвикуваат и трауми кај деца, животни а се загадува и животната средина“, објаснува Никола кој беше главниот лик во вежбата
Црвениот крст заедно со одделот за превенција при СВР Струмица делеа и флаери со наслов „Не користи пиротехнички средства“ – денес гледаш симулација утре може да биде реалност
СВР Струмица преку Отсекот за превенција во соработка со лекари од Универзитетска клиника за пластична и реконструктивна хирургија реализираше и повеќе едукативни предавања со ученици од прва година од средните училишта во Струмица. Лекарите објасниваа за штетните последици кои може да ги предизвикаат употребата на пиротехнички средства а полициските службеници им укажаа за казнените одредби кои предвидуваат санкционирање на набавката, продажбата и употребата на пиротехнички средства.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
