Екипа од ,,Академија Пандев” генерација 2007 учествува на меѓународен турнир во Дубаи – ОАЕ каде ја забележаа првата победа против врсниците од ,,Херцеговац” од Босна. Натпреварот заврши без голови но во рулетот на пенали со 6:5 славеа младите пандевци кои според информациите биле подоминантни на теренот со повеќе изгледни шанси за гол во регуларниот дел. Во рулетот пенали одличен беше и голманот на Академијата Давид Иловски кој одбрни три пенали . За потврда на добрата игра на Академија Пандев е и фактот што за играч на натпреварот е прогласен Андреј Велков .
Ова е втор меч на младите пандевци откако вчера беа поразени од ,,Ал Аин” организатор на турнирот кој е од затворен тип. Станува збор за турнир на кој учествуваат четири екипи а кој има за цел презентација на младиот потенцијал пред повеќе фудбалски менаџери. Освен домашниот Ал Аин, македонскиот ,,Академија Пандев”, босанскиот ,,Херцеговац” учествува и ,,ИМТ Белград” од Србија со кого пандевци ќе се сретнат утре.
Инаку сите мечеви што се играат на турнирот се снимаат со вкупно 12 камери со цел да се регистрира потенцијалот на секој фудбалер индивидуално. Организаторот Ал Аин е фудбалски клуб со буџет од 6 милиони евра само за младинските школи за кои поседува и три стадини.
Учеството на пандевци или играчи од ФК Академија Пандев на овој турнир во Дубаи е благодарение на Горан Пандев и неговата менаџерска акгенција ,,Бранкини” кои издејствуваа да се презентира македонскиот фудбалски потенцијал во Дубаи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
