Младите пандевци генерација 2007 одиграа одличен меч против Спартак од Суботица на турнирот „Играј фудбал, живи живот“ во Сараево во Босна но немаа среќа откако во последната минута примија гол. Иако претрпеа пораз на стартот од овој турнир, сепак го свртеа вниманието на спортската јавност пред се поради прикажаната игра. Утре на програмата се два меча. Во претпладневните часови играат со Железничар од Сараево а попладне со ланскиот победник Словачко од Чешка. Во зависност од утрешните резултати У16 на Академија Пандев може да се надева на пласман на првите две позиции кои носат разигрување за првите места на турнирот.
Инаку на 12- тиот турнир „Играј фудбал, живи живот“ настапуваат 8 екипи од Босна,Хрватска, Србија, Романија, Словенија, Чешка, Србија а преставник од Македонија е екипата на Академија Пандев. Струмичани се во втората група. Со евентуални добри резултати во утрешните два меча ќе играат со најдобрите два тима од групата А за првото или третото место.
,,Задоволни сме од прикажаното. Примивме гол буквално во последните секунди од мечот. За нас резултатите се во втор план. Овие млади фудбалери треба да стекнуваат искуство како на домашен така и на меѓународен план,, информираа од стручниот штаб на У 16 екипата на Академија Пандев од Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
