Во населното место Штука во Општина Босилово ќе функционира Школа за изучување на изворни македонски инструменти. Ова е резултат на иницијативата на ЛАГ Беласица Огражден кој заедно со Општина Босилово и приватниот и граѓанскиот сектор успееа е адаптира простор но и набавен инвентар како и повеќе видови музички инструменти. Токму таму младите од овој крај ќе може да учат да свират на кавали, зурли, гада, тапан но и да се запознаваат со македонската изворна фолк традиција
,, Сето тоа е реализирано благодарение на поддршката од Мрежата за рурален развој и Програмата на УСАИД за развој на заедниците. Целта е да се обединиме повеке чинители и да најдеме решение за некој локален предизвик. Со ова Школа ќе работи КУД Кирил и Методиј од Иловица бидејки од неодамна имаат инструментална група. Паралелно добро е младите да знаат за македонските изворни инструменти бидејки тоа е дел од нашата традиција но и можност за свое надоградување,, изјави за Дрнка МК Сашко Поповски од ЛАГ Беласица Огражеден
На промоцијата на Школата беше присутен и Велко Ѓеоргиев познат кавалџија од Штука и човек кој своевремно ги учеше младите да свират кавал. Градоначалникот на Босилово објави дека на тој начин се отвора можност да се продолжи на патот кој го започна Велко
,,Оваа е најдобриот начин како да се негува македонскиот фолклор. Дедо Велко и КУД ” Кавалџии” од Штука не задолжија да го продолжиме патот кој што тие го започнаа. Отварањето на школата беше проследено со кратка музичка програма.,, објави градоначалникот Ристо Манчев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
