Ден пред Ѓурѓовден во Ново Село се одржуваат ,,Ѓурѓовденски средби’’ кои вчера се поклопија со изборите за градоначалник во ова општина. Но со цел да се продолжи и сочува традицијата на ,,гурѓовденското собирање во народни носии’’ младите новоселчани – членови на КУД ,,Јане Сандански’’ направија мало дефиле во центарот на Ново село а во Домот на културата ги презентираа своите кореографии.
,,Станува збор за манифестација кој датира со векови во ова населено место. Средбите се одржуваат ден пред Ѓурѓовден и тоа во дворот на манастирите Св Ѓоргија и Св. Антониј каде се презентираат македонските народни носии и преку песна и оро се презентира македонскиот фолклор, бидејки таму пред многу години или поконкретно на Белев рид се собирале младите невести да ги покажат своите нови носии при што се избирала која е најдобрата’’, објаснува Никола Јанев од КУД Јане Сандански кој подвлекува дека заради изборите немало други културни уметнички друштва што било случај секоја година
Со оглед на лошото време но и изборниот ден во Ново Село на Ѓурѓовденските средби настапија само членовите од КУД ,,Јане Сандански’’ кои беа поделени во неколку групи спроед возраста. Тие прво дефилираа по централното подрачје на Ново Село а потоа настапија со своите кореграфии на сцената на Домот на културата
,, Како општина даваме посебен акцент на овие средби бидејки преку нив се продолжува традицијата која со векови била присутна овде. Сакаме преку негување на песната и орото да се презентираат народните носии кои биле гордост на новоселчани . Манифестацијата „Ѓурѓовденски средби“ е во организација на Домот на културата „Јане Сандански“, но финансиски ја подржуваме ние како локална самоуправа и посебно сум горд на нашите играорци кои ја продолжија вековната традиција во Ново Сели ’’, ни изјави ВД градоначалникот Горан Цветков
.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
