Редно е Власта да го слушне гласот на народот и да ја прекине неизвесноста за рудникот Иловица-Штука. Ова е пораката од младите од општина Босилово до премиерот Зоран Заев од протестниот марш против изградба на рудник на планината Огражден во општинскиот центар Босилово каде околу два часа беше блокиран патниот правец кон Бугарија
,,„Почитуван премиере, во повеќе наврати дадовте ветувања дека рудник во Иловица нема да има. Затоа прво вам ви се обраќаме во најбрз можен рок да пронајдете решение за нашиот проблем. Ги повикуваме и локалните власти да се ангажираат во борбата против рудникот“, кажа Мики Крстев, граѓански активист од селото Штука против отворање рудникот.
Сите сме за живот . Не сакаме во својата средина тешка индустрија, кажаа младите на протестниот марш кои добија подршка од активистите против изградба на рудници од целиот југоисток
Се огласи и концесионерот на рудникот „Еуромакс рисорсис“ од каде ги повикаа сите засегнати страни своите ставови да ги градат на проверени информации, бидејќи за проектот Иловица-Штука се ширеле паушални и неточни податоци на штета на компанијата и пошироката јавност.
„Ја поддржуваме секоја активност за заштита на животната средина која е поткрепена со точни информации, но лажните вести и говорот на омраза воопшто не е граѓански активизам. Досега слушнавме бројни обвинувања од областа на животната средина, геохемијата, сеизмичката активност во регионот, но ниту еднаш зад овие обвинувања немаше доказ од нивен експерт или познавач на таа област“, стои во реакцијата на „Еуромакс рисорсис“ кои тврди дека проектот го гради во соработка со локалната заедница
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
