УМС на ВМРО ДПМНЕ од Струмица, на ФБ објавија фотографии како нивни членови доцна синоќа го чистаат споменикот на Гоце Делчев во центарот на градот од графитите и пораките со кои беше исшаран. Нивната реакција доаѓа откако вчера на социјалните мрежи се појавија фотографиите како е нагрден и вандализиран споменикот а веќе утре се одбележува денот на раѓањето на Гоце Делчев.
,,Непосредно пред одбележувањето на денот на 152 годишнина од раѓањето на апостолот на македонската нација Гоце Делчев несовесна рака го вандализирала неговиот споменик на Плоштадот во Струмица. УМС во очи на празникот прави се’ што може за да се очисти овој наш грандиозен урбан симбол. Бараме да се расветли овој немил чин, а надлежните да се однесуват одговорно кон нашите споменици и културно наследство“, стои во ФБ објавата на УМС на ВМРО ДПМНЕ од Струмица кои бараат пронаоѓање и санкционирање на сторителите.
Полицијата вчера информираше дека се превземаат мерки за овој случај. Инаку утре пред споменикот на Гоце Делчев на исоимениот плоштад во Струмица ќе има програма по повод 152 години од неговото раѓање. Инаку овој споменик е дело на скулпторот Бранко Конески. Висок е 5,20 метри и е подигнат е во 1976 година,
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
