Младинскиот состав на Брера Струмица без пораз го заврши есенскиот дел од шампионатот на Македонија за оваа конкуренција. 14 победи и едно реми е учинокот на тимот на струмичкиот прволигаш предовден од стретегот Ѓорѓе Стојчев и Боро Постолов – генерација што се смета за вистински потенцијал.
Залагањето на тренинзите, борбеноста на теренот, дисциплината во играта се клучните сегменти што младите на Брера се на врвот со вкупно 43 бода, 4 повеќе од младите на Вардар. Но не само тоа. Младите струмички надежи на своето конто имаат +60 што е вистинска реткост во фудбалот. 67 постигнати гола а само 7 примени на 15 меча што преставува доказ за квалитетот кој го поседуваат.
,, Во екипата имаме дури 8 играчи кои настапуваат за македонските фудбалски младински репрезентации до 18 и 19 години. Добар дел од овие играчи дебитираа и за сениорскиот тим на Брера. Тие се вистински потенцијал – генерација фудбалери што ветува како за Брера така и за репрезентациите, односно мак фудбалот“ ни изјави тренерот Ѓорѓе Стојчев.
Иван Шириќ и Иван Танчев се најефикасните кај младите на Брера. Шириќ 16 пати ја затресе мрежата на противниците додека Танчев има 15 погодоци. Матеј Сејменов и Габриел Талески запишаа по 8 гола. Голови постигнаа и останатите фудбалери. На голот пак кај струмичани одлични голманите Александар Трајков и Методи Давчев кои се енигма за противниците.
ФК АП Брера Струмица контуинирано вложува во младинските конкуренции за што говорат резултатите во изминатите неколку сезони во кои потенцијалот на струмичани кренаа шампионски и куп пехари. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
