Младите одбојкарки на Наковски волеј се пласираа во финалето од разигрувањето за Шампионска титула, откако денеска младинскиот состав на Јанта волеј од Скопје го напушти мечот при водство на струмичанки од 2:0 во сетови. Надежите на струмичкиот одбојкарски прволигаш убедливо ги добија првите 2 сета (25:16 и 25:14) но стручниот штаб на Јанта одлучи да ги повлече одбојкарките и да не го доиграат мечот.
,,Денешниот натпревар заврши со резултат од 2:0 во сетови и технички добиен третиот сет поради напуштањето на натпреварот од страна на одбојкарките на Јанта волеј! Нашиот тим секогаш е на страната на фер и спортско натпреварување во сите категории од државното одбојкарско првенство жени. Ќе продолжиме и понатаму со игра и спортски дух да го трасираме патот до титулата,, објавија од ОК Наковски Волеј кои го добија првиот меч на гостински терен во Скопје а беа подобри и во вториот на свој терен денеска во Струмица.
Младинскиот состав на Наковски волеј победата и ја посветија на Вања Лазарова која наполни денеска 18 години. Противник на младинките на Наковски е Вардар ЕМ а финалето се игра на 30.04
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
