Младата и талентирана пијанистка Јулијана Јанев од Струмица, како дел од клавирското дуо „Јанев & Лазарова“, настапи на престижниот интернационален концерт International Prize Winners Recitals, кој се одржа во Њујорк САД . Станува збор за глобален настан на културата и уметноста каде што се преставуваат млади музичари од целиот свет кои преку различни форми ги истакнуваат своите музички таленти.
„Јанев & Лазарова“ ја преставија Македонија и со својата уметничка зрелост и професионализам направија успешна презентација на повеќе современи класични дела со што го свртеа вниманието на реномираната публика присутна на настанот.
,,Извонредни настапи со низа музики од целиот свет и многу композитори-изведувачи кои свират свои композиции! Многу сме импресионирани, Браво за сите музичари и нивните прекрасни учители и семејства кои ги поддржуваат,, објавија организаторите International Youth Music Competitions – IYMC New York
Јулијана Јанев е веќе докажан музички талент на домашната и меѓународната сцена. Со својата посветеност, техничка префинетост и длабока музичка емоционалност, продолжува да освојува бројни признанија и награди на значајни меѓународни натпревари и фестивали.
Особено се истакнува и нејзиниот солистички концерт одржан во јуни 2025 година во Италија, што претставува уште еден значаен чекор во нејзиниот интернационален уметнички развој.Со секој свој настап, Јулијана Јанев ја афирмира нашата земја како земја што создава и негува исклучителни музички таленти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
