Младата Мелани Витанова од струмичко Куклиш прави уникатни дела од глина. Изработува разновидни сувенири и декоративни експонати по нарачка. На Велигденскиот базар во Струмица ја затекнавме со доста интересни креации од глина со христијански декор но и велигденски јајца бојадисани со акрилни бои. Како што кажа, се е од глина која не се пече а паралелно нудеше и уметнички дела.
,, Се е рачна изработка. Со глина работам веќе една година. Прво почнав сликарство со масло на платно, но некако љубовта проработе и одлучив да работам со глина. Ми беше тешко, не знаев како се суши колку време е потребно, но не се откажав. Станува збор за уникатни производи кои ги правам и тоа по мој избор или по нарачка“ вели младата Мелани
Витанова има 18 години. Учи во СОУ „Димитар Влахов“ за медицинска сестра. Освен кон медицината и хуманоста, таа има љубов и кон рачните изработки кои може да се најдат и на нејзините социјални мрежи. На ФБ нејзините дела ќе се најдат како „Рачна изработка“ а паралелно фотографии со објаснување од нејзините креации нуди и на Инстаграм. В.Трајков/ фото Дрнка.МК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
