Општина Гевгелија по втор пат се престави како добра туристичка дестинација на Меѓународниот саем за туризам во Белград каде се преставија голем број на општини, туристилки агенции, хотелски капацитети. Како што објави општината на својата веб страна, Гевгелија годинава била единствената општина во Белград која се претстави со свое туристичко лого „Gevgelija Spice up the journey“. Според објавените фотографии на социјалните мрежи, туристичкиот идентитет на Гевгелија го испромовираше и 18 годишната Ања Борак – минатогодишната победничка на натпреварот Мис на туризам на соседна Србија, која беше на Саемот во Белград а ги посети и македонските штандови.
,,Туристичкиот идентитет на Општина Гевгелија е основниот предуслов за поголема туристичка промоција на нашето поднебје и поголема искористеност на туристичките капацитети и потенцијали. Голем дел од изработените промотивни материјали, кои вклучуваат: маици, флаери, брошури, сувенири, магнети, беџови и промотивни торби, беа дел од понудата за овогодинешниот Саем. Гевгелија е погранично место низ кое поминуваат голем број транзит туристи. Целта на Локалната самоуправа е заедно со туристичките чинители да привлече што поголем број посетители. А, на оние кои застануваат да им се понудат потенцијали да го продолжат својот престој,, стои во информацијата од Општина Гевгелија.
На Меѓународниот саем за туризам во Белград кој се одржа изминатиот викенд учествуваа повеќе од 400 изложувачи од над 25 земји на површина од 30.753m2, како и над 8.000 професионалци од туристичката индустрија – учесници, посетители и гости. Во 2022 саемот го посетиле 32.115 посетители.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
