Министерот за земјоделство, шумарство и водостопанство Трајан Димковски заедно со директорката на УЈП Сања Лукаревска денеска пазаруваа во маркет во Гевгелија и ги скенираа сметките преку апликацијата ,,Мој ДДВ’’ промовирајки ја оваа мерка меѓу гевгеличани. Истакнаа дека со ова мерка што ја воведе Владата граѓаните имаат можност со секоја фискална сметка до 30.000 денари, да остварат поврат на 15% од платениот ДДВ и апелираа да се барат фискални сметки.
„ Токму преку фискализацијата се овозможува намалување на сивата економија и повеќе пари се слеваат во буџетот. Преку зголемените приходи во буџетот во делот на земјоделството се овозможуваат и повеќе пари за земјоделцитез за подобра исплата на субвенциите, повеќе инвестиции во бизнис секторот“, изјави Димковски.
Директорката на УЈП, Лукаревска посочи дека од почетокот на проектот забележани се успешни резултати, граѓаните активно учествуваат во намалувањето на неформалната економија и не дозволуваат да им биде одземено правото на поврат од ДДВ со не издавање на фискална сметка што е за поздравување. Бројот на скенирани фискални сметки изнесува 5,4 милиони, остварен е промет од над 2,7 милијарди денари, со вкупно ДДВ од 298,8 милиони денари.
„Досега околу 135 илјади граѓани ја користат оваа апликација, скенирани се повеќе од милиони фискални сметки и остварен вкупен промет од 2 милијарди 768 милиони денари од кои што ДДВ –ти е 298 милиони денари а тоа значи дека 15 отсто претставува 44,8 милиони денари што ќе одат во џебот на граѓаните. “, изјави директорката на Лукаревска.
При тоа директорката Лукаревска посочи дека е забележано намалување на сторнирањето на сметките од страна на даночните обврзници затоа што сега граѓаните си ги бараат сметките да ги скенираат. Воедно ги повика сите правни лица да ги сервисираат своите фискални каси на што се и законски обврзани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
