Потпретседателот на македонското собрание и член на Извршниот комитет на ВМРО ДПМНЕ Антонио Милошоски на својот ФБ профил со заедничка фотографија ги објави кандидатите за градоначалнник на Струмица од оваа партија. Ова е прв партиски член на ВМРО ДПМНЕ кој јавно да ги обелодени имињата на сите можни кадндидати кои се во игра за градоначалниката трка во Струмица. За нив јавноста одамна зборува но официјална потврда од партијата немаше. Станува збор за Петар Јанков, Митко Дрвошанов, Александар Донев, Никола Маџунков, Кирил Синдраковски и Владимир Ристов.
Милошоски тоа го објави на својот ФБ профил, откако вчера беше во Струмица на средби со граѓаните во повеќе населени места и зедници во очи на локалните избори а воедно беше и во посета на Завод и музеј Струмица каде ја посети постојаната музејска поставка.
Неофицијално, изминатиот викенд е правена последната анкета меѓу членството на ВМРО ДПМНЕ и јавноста, по што се очекува и официјално да биде промовиран кандидатот на владеачката партија. Се почести се гласините дека во потесниот круг се Никола Маџунков и Петар Јанков иако партиски информации говорат дека не треба да се исклучуваат и останатите кандидати. Антонио Милошоски во изјава за медиумите кажа дека до крајот на месецот ќе се знае нивниот кандидат.
,,Има атмосфера за промена на власта во општината. Имаме шест заинтересирани кандидати, се прават последните сондажи и мислам дека до крајот на месецов ќе имаме определено кандидат за градоначалник на Струмица. Она што е најбитно е дека се водиме од една заедничка парола со сите можни кандидати а тоа е ,,сите за еден, еден за сите“ и кој и да биде ќе ја има поддршката од целата партија“ кажа Милошоски во изјава за СтрумицаНет.
СДСМ веќе го објави својот кандидат за градоначалник на Струмица. Тоа е Марјан Даскаловски актуелниот претседател на Советот на општината. За престојните локални избори можни се и независни кандидати за градоначалник на Струмица. Актуелнито Костадин Костадинов првично кажа дека не ја исклучува можноста да биде независен за што ќе се консултира со соработниците и граѓаните за да потоа објави дека не сака да биде причина за пораз на својата партија од која го замрзна членството. Паралелно политичките партии ги кројат и советничките листи кои во Струмица се очекува да ги има повеќе во однос на кандидатите за градоначалник. ( В.Трајков /фото: СтрумицаНет )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
