Во наредните две години Милиеуконтакт Македонија во седум општини во Југоистокот ќе го имплементира проектот „AgriSHIFT – одржливо земјоделство“ кој има за цел да поддршка на земјоделците да се справат со последиците од климатските промени и одржливи практики. Овој прокт кој опфаќа обуки на земјделците, нивна поддршка, делење на грантови за земјоделски иницијативи и помош на жените за отпочнување земјоделски бизнис ќе се импелентира во Струмица Гевгелија, Богданци, Валандово, Радовиш, Василево, Босилово
„Иницијативата доаѓа во време кога земјоделството во државата се соочува со зголемени суши, нерамномерна распределба на водните ресурси и ограничен пристап до современи технологии. Особено погодени се жените и младите во руралните средини. Проектот предвидува директна поддршка за земјоделците преку обуки, менторство и финансиска помош, со цел зголемување на продуктивноста и отпорноста на фармите“, соопштуваат од Милиеконтакт Македонија
Проектот AgriSHIFT е финансиран во рамки на програмата за меѓународна развојна соработка на Република Словенија, со дополнително кофинансирање од локалниот партнер и други придонеси од вклучените организации. Тој освен во седумтте општини од Југоистокот ќе се имплементира и во Струга, Вевчани и Дебар се со цел да се поттикне премин кон одржливо и климатски отпорно земјоделство преку подобро управување со природните ресурси, трансфер на знаење и развој на нови економски можности за руралното население.
Тој предвидува, поддршка за најмалку 50 земјоделци и нивните семејства, обука на 40 земјоделци за климатски паметни практики, формирање 4 демонстративни парцели на кои ќе се тестираат и прикажуваат практики за ефикасно користење на вода, подобрување на почвата и климатски отпорно земјоделство, микро-грантови за 12 земјоделски иницијативи, финансиска поддршка за отпочнување на 4 бизниси управувани од жени, формирање земјоделска задруга со најмалку 40% жени. (В. Трајков/ фото Дрнка.МК )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
