Миле Митевски од Пиперево, носител на советничката листа на ВМРО ДПМНЕ е избран за Претседател на Советот на Општина Василево. Ова е епилогот од конститутивната седница на која новоизбраните членови на Советот дадоа изјава и заклетва дека ќе работат согласно Уставот и во интерес на граѓаните а беа избрани и останатите комисии и тела кои ќе функционираат во рамките на Советот.
,,Се надевам дека ќе имаме плодна и конструктивна соработка – совет и градоначалник – и дека заедно ќе носиме одлуки кои ќе остават траен белег во развојот на општина Василево. Функциите се минливи, но делата што ќе ги оставиме зад себе остануваат. Најважно е секогаш да се потсетуваме дека вие сте гласот на народот – останете во контакт со граѓаните, слушајте ги нивните потреби и предлози“им порача градоначалникот на Василево Славе Андонов
Инаку Советот на Општина Василево брои 15 членови. Во новиот Совет ќе партиципираат 11 членови од коалицијата на ВМРО ДПМНЕ, 3 од коалицијата на СДСМ и 1 од ЗНАМ.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
