Одбојкарите на Струмица го добија противникот во третото свое излегување во ЦЕВ Лигата на шампиони. За противник го добија грчкиот шампион ,,Олимпиакос Пиреус“ од Грција екипа кој има огромна традиција и се смета дека и годинава се најголеми фавороти за групната фаза од Лигата. Владо Милев капитен и претседател на клубот кажа дека од ждребот се задоволни бидејки во Струмица дожа европски одбојкарски клуб.
,,Од ждребот сме задоволни, можеби не толку како шанса за надигрување бидејки го имаме како противник еден од најсилните тимови во таа фаза – минатогодишен учесник во групите и годинава еден од најсериозните кандидати. Но задоволни сме што ќе играме против екипа од висок европски ранг и ќе биде одлична можност да се афирмира одбојката да се видат светски играчи во Струмица“, кажа Милев за Дрнка.МК
Тој кажа дека можни се засилувања за евро куповите но претежно домашни репрезентативци без клубови а за ова сезона простор ке се даде на младите.
,,Нашата екипа оваа сезона ќе се базира исклучиво на домашни играчи каде шанса ке дадеме на помладите кај кои има голем потенцијал за во иднина . За европските купуви постои можност за засилување со некои домашни играчи од нашата репрезентација кои во моментот се без ангажман што ке биде одлична можност и за нив да ја задржат формата после завршувањето на репрезентативните обврски и што поподготвени да замина во некоја нова средина,, кажа Милев
Според ждрепката, Струмица ќе биде домаќин на првиот меч во периодот од 17 до 19 септември, додека реваншот ќе се одигра на гостински терен во периодот од 24 до 26 септември. Според правилата на ЦЕВ, во случај на елиминација, струмичани ќе можат да продолжат во квалификацискиот дел во ЦЕВ Купот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
