Викендов првиот човек на ФК Беласица Славчо Васков Пинда им додели плакета и врамен дрес на Милан Василев и Ристо Панов поранешни фудбалери на клубот кои имаат одиграно по стотици натпревари во над десетина сезони. Станува збор за двајца фудбалери кои оставија силен печат во струмичкиот фудбал но и во синобелиот табор бидејки ги сметаа како носители на играта на ФК Беласица.
По Андреев, Милан Василев е вториот фудбалер со најмногу настапи за Беласица. Василев за струмичките сино бели настапува во периодот од 1977 до 1991 година – вкупно 14 сезони со 383 натпревари. Беше препознатлив по топовските удари и им постигнато 69 првенствени голови.
Ристо Панов кој со години беше столб во одбраната, за Беласица има одиграно 15 сезони и притоа настапено на 366 првенствени натпревари и постигнато 21 гол. По бројот на настапи е трет во историјата на Беласица, веднаш зад Василев (383) и Андреев (554).
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
