,,По успешните преговори со Светска Банка за проектот ,,Модернизација на земјоделството’’ во вредност од 46 милиони евра, во кој како главна компонента се два откупни центри во Ресен и Струмица како и агрофуд платформа во Скопје, ние сме на чекор од нашата цел,, стои во соопштението од МЗШВ откако завчера министерот Трајан Димковски беше во посета на откупно дистрибутивниот центар на Агроаломентате во Рим, Италија.
Посетата на Агроаломентате е со цел учење и преземање на добрите пракси како и квалитетниот менаџмент кои придонесуваат оваа агрофуд платформа да биде една од најзначајните и најуспешните во Европа велат од министерството од каде информираат дека откупно дистрибутивниот центар во Струмица ќе се фокусира на главните култури произведени во регионот, како што се домати, зелка и пипер.
Во Ресен откупно дистрибутивен цента е потребен за да се надмине проблемот со складирање и чување на земјоделските производи, пред се јаболката што ќе доведе кон стандардизирано производство и комерцијализација на домашен и меѓународен пазар се наведува во соопштението, додека центарот во Скопје, ќе допринесе кон подобрување на снабдувањето со безбедни и стандардизирани производи од свежа храна за потрошувачите во скопскиот регион
(од посетата на Димковски на откупно дистрибутивен центар во Рим -Италија)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
