Методија Пасков од денеска е нов шеф на Кабинетот на градоначалникот на Општина Струмица Петар Јанков. Пасков доаѓа на местото на Драгица Урдинова која времено ја извршуваше оваа функција, која пак во иднина ќе работи во областа за протокол и односи со јавноста на првиот човек на општината Петар Јанков.
35 годишниот Методија Пасков е дипломиран информатичар. Има работено во приватниот сектор а своевремено беше асистент на пратеникот Славе Гошев. На локалните избори 2025 година беше дел од кандидатската листа на ВМРО-ДПМНЕ. Тој сега ќе биде задолжен за унапредување на комуникацијата, организацијата и координацијата во работата на градоначалникот Петар Јанков.
Тој пак на својата ФБ страна објави дека неговиот тим добива млад и енергичен израз.
„Секој ден мојот тим добива млад и енергичен израз. Мојата задача е да ангажирам чесни и работливи личности. Визијата е да создадеме од Струмица место каде што секој може да го даде својот максимален придонес и тој заеднички успех да биде признат. Денеска како дел од мојот тим го поканив Методија Пасков. Тој ќе го води мојот кабинет“, напиша градоначалникот Јанков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
